2. ජාවා දෙවන කොටස (සරල කෝඩ් එකක් ලියමු )

අපි පළමු පාඩමෙන් ඉගෙන ගත්තනේ ජාවා පරිගණකයට ස්ථාපනය කරන්නේ කොහොමද කියලා. බලපු නැති කට්ටිය ඉන්නවනම් මෙතන click කරලා බලන්න.


එහෙනම් අද පාඩම පටන් ගමු.


අද පාඩමෙන් මන් ඔයාලට කියල දෙන්න යන්නේ පොඩි program එකක් ලියල එක run කරන විදිය. වැඩිය කතා ඕන නෑ අපි එහෙනම් වැඩේ පටන් ගමු.

1. මුලින්ම Notepad එක Open කර ගන්න. (Notepad එක ගන්න ඕනෑම පොඩි ළමයෙක් දන්නවනේ :P)
2. ඉන්පසුව පහත ආකාරයට Notepad එකේ code එක Type කරගන්න.

                     

                               class  FirstProgram{ 

                                       public static void main(String[]args){ 

                                       System.out.println("Hello World");

                                               } 

                                     }

වැදගත් - මෙම Code එක notepad එකේ type කරන විට මම ඔය නිල පාටින් පාට  කර ඇති අකුරු අනිවාර්යෙන්ම කැපිටල් අකුරු විය යුතුය.  එයට හේතුව නම් ජාවා යනු  Case Sensitive Language එකක් වන නිසාය. 

උද-             Cat

                   cat

                 ඉහත තිබෙන වචන දෙකේ තේරුම එකම වේ. වෙනසකට තිබෙන්නේ මුල අකුර සිම්පල් සහ                          කැපිටල් වීමයි. අපට මෙම වචන දෙක එකම තේරුම උනාට Java language  එක මෙය වචන                           දෙකක් ලෙස හදුනා ගනී. 

Code එක notepad එකේ type කර ගත පසු එය  FirstProgram.java ලෙස Desktop එකේ Save කර ගන්න. (මෙහිදී FirstProgram කියන තැනට ඔයාට කැමති නමක් දාගන්න පුළුවන්. නමුත් .java කියන එක අනිවාර්යෙන් නමේ අගට දැමිය යුතුය.   Ex- Saman.java   Kamal.java ) 

 විශාල කර බැලීම සදහා රුපය මත click කරන්න 

ඉන්පසුව command prompt හෙවත් cmd එක ලබා ගන්න.

      Start------> Run----------> (type) cmd------> press Enter key

3.cmd එකෙහි cd desktop ලෙස type කර enter කරන්න. 

  (cd desktop ලෙස type කරනුයේ අපි අපේ ජාවා ෆයිල් එක save කලේ  desktop  එකේ නිසාය. )

4.ඉන්පසුව cmd හි javac FirstProgram.java ලෙස type කර enter කරන්න. 

  (javac මගින් කරනුයේ අපි ලියාගත් ජාවා කෝඩ් එකෙහි grammar check කර එය නිවැරදි නම් ජාවා          බාශාවට තේරෙන පරිදි convert කර ගැනීමයි )

එවිට ඔබට Desktop එකෙහි  FirstProgram.class නමින් අලුත් file එකක් දැකගත හැක. 

5.මීලගට cmd එකෙහි java FirstProgram ලෙස type කර enter කරන්න.

   (java FirstProgram මගින් කෙරෙනුයේ ඔබගේ ජාවා file එක run කිරීමයි)

6. අවසානයේ ඔබට  Hello World කියලා cmd එකෙහි  දකින්න ලැබේවි. 

 විශාල කර බැලීම සදහා රුපය මත click කරන්න

Post එක නම් ටිකක් දිගයි. එත් කියාදෙන්න පුළුවන් සරලම ක්‍රමයටම කියල දුන්න. පස්සේ හමුවෙමු.